Одбојкарките на Наковски Волеј со 3:0 во сетови славеа победа против градскиот ривал Струмица Жени. Во спортската сала при СОУ ,, Димитар Влахов’’ избраничките на Хари Наковски прикажаа постабилна игра во клучните моменти и освоија нови три бода на своето конто со кои се зацврстија на втората позиција на прволигашката табела. За нив ова е шеста победа во Првата одбојкарска лига од вкупно седум првенствени кола
Во исполенатата сала на Димитар Влахов, мечот почна изедначено како што наликува на градско дерби во кое и двата тима имаат високи амбиции. Домаќинките тргнаа претпазливо. Во првиот сет постојано имаа контрола на играта и резултатот. Струмица Жени кој постојано дишеше во врат се обидуваше да направат пресврт но не успеа да се одлепи. На крајот Наковски волеј со 25:23 поведе со 1:0 во сетови и тоа благодарение на стабилноста во клучните моменти
Струмица Жени вториот сет го почна одлично со надеж дека резултатски ќе се врати. Имаше предност од 6 поени но немаше сила да го издржи притистокот од домашниот состав кој го стегна приемот и нападот и поведе со 2:0 добивајки го вториот сет со 25:22. Во третиот девојките на Хари Наковски на теренот ја имаа доминацијата во сите елементи и со 25:19 стави печат на победата
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
