Одбојкарките на Наковски Волеј претрпеа пораз во дербито од третото коло од втората фаза од Работнички Скопје кое се одигра во спротската сала Парк во Струмица. Во соочувањето меѓу второ и третопласираниот тим на табелата, гостинките славеа со 3:2 во сетови. Доста интересен и возбудлив меч во кој струмичанки поведоа со 1:0, па гостинките направија сетовски пресврт добивајки ги вториот и третиот за да струмичанки израмнат но во одлучувачкиот сет потфрлија.
Струмичанки добро го почнаа мечот. Имаа контрола на играта и го добија со 25:21. Возврати Работнички со 25:23 а во триот сет струмичанки одиграа доста лошо и го загубија со 25:13. Во четвртиот сет Наковски до средината имаше негатива но благодарение на новото засилување Тасич и Фасулева, струмичанки го свртеа резултатот во нивна корист и го добија со 25:22 за 2:2 во сетови.
Во одлучувачкиот сет, Работнички Скопје до 6 тиот поен имаше предност. Наковски направи пресврт. Со сервисот на Велинска добија и плус 2 (9:7) но Работнички брзо се врати и преку Тамара Стојанова донесе преднсот од 13:10. По двете грешки во нападот Работнички дојде до 15 тиот поен за конечни 3:2 во сетови.
Со овој пораз и освоен бод, Наковски Волеј останува на третата позиција со вкупно 31 бод, но со прикажаната игра и новото засилување Миња Тасич и враќањето на Фасулева и Димитриевска дефинитивно најавува силна борба за освојување на шампионската титула.
Инаку мечот Наковски Волеј – Работнички Скопје одеше со директен пренос на националниот сервис МТВ кој ги пренесуваше и сугестиите и препораките на стратезите на двата тима, при побараните тајм аути. Но во финишот од средбата, Јаневиќ побара тајм аут за Работнички Скопје но не дозволи МТВ да ги пренесува неговите совети за што од коментаторот доби жолт картон заради несоодветното однесување на клупата на Работнички Скопје при пренос на еден одбојкарски натпревар.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
