Струмица и регионот попладнево беше зафатена со многу силни, поројни врнежи од дожд. Според информациите од РЦУК Струммица од врнежите поплавени се улиците во долниот дел од градот и тоа: „Браќа Минкови“, „Ѓорги Василев“, „Иљо Шопов“, „Младинска“ и „Ката Поцкова“.
Како што соопштија од РЦУК, до ТППЕ Струмица има пријавено над 60 тина поплавени подруми и приземни простории. Досега е испумпана водата од околу 30 објекти.
Екипите на ЈПКД Комуналец Струмица и ТППЕ Струмица се се уште на терен со сите расположливи сили и ќе постапуваат по пријавите од граѓаните за испумпување на водата од поплавените објекти.
Градоначалникот на Струмица Костадинов објави дека преставници на повеќе институции веќе се излезени на терен.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
