Струмичкиот интернационалец и капитенот на македонската одбојкарска репрезентација Никола Ѓоргиев се сели во Турција каде следната првенствена сезона ќе биде дел од тамошниот прволигаш Инегол Беледиеспор. Тој за Дрнка.Мк потврди дека за две недели заминува кај Инегол за да ги отпочне подготовките со новиот тим. Како што кажа се одлучил за турскиот прволигаш бидејки сакал силна лига заради што одбил понуди од повеќе држави.
,, Се одлучив за Турција бидејки сакам да играм во силна лига за да го задржам виското ниво на квалитет во мојата игра за да можам да ја предводам македонската репрезентација до нови успеси и учество на големи наптреварувања. Одбив понуди од Чешка, Франција, од Катар која беше доста примамлива а имаше и понуди од други труски екипи ’’ ни изјави Ѓоргиев
Според Ѓоргиев првиот тим на Инегол Беледиеспор е спој на младост и искуство и се надева дека ќе успее да ја предводи на најдобар можен начин за да направат подвиг во турското првенство и повторно да го сврте вниманието на турската јавност. Тој овој период е меѓу своите најблиски и сакани за кои како што кажа му давале енергија за нови професионални успеси.
,,Заради новонастанатата ситуација во моментов сум во Струмица. За две недели заминувам за Турција. Претпладне тренирам а секое попладне ми е резервирано за семејството. Со моите сакани се дружиме, шетаме, играме и постојано сме заедно. Максимално го користам времето, бидејки после толку многу напорни години конечно имам доста време за да бидам со нив. Семејството секогаш ми дава поддршка и енергија за нови професионални успеси,, ни кажа Ѓоргиев кој сака да ја види одбојкарска Македонија во завршница на некое големо одбојкарско натпреварување.
Капитенот на македонската селекција по втор пат се враќа во Турција . Во перидот од 2010 до 2014 година ги бранеше боите на Малаја Мили Пјанго. Во својата кариера тој настапуваше и за Раднички Крагујевац, Волеј Форли, Парис Волеј, Торај Ароус, Онико Варшава, Осака Блејзерс и Фридрихшафен.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
