Вкупно 19 млади невработени од Југоистокот се дел од Кампот за претприемништво и иновации што се одржува во Дојран каде во соработка со докажани и реномирани професори, претприемачи и експерти треба да стекнуваат нови знаења и искуства но и да ги подобрат своите претприемачки вештини. Кампот е дел од проектот ,,Бизнис екосистем како интегриран систем“ финансиран од ЕУ а кој го имплементира Центарот за развој на Југоисточниот плански регион од програмата за прекугранична соработка со Грција.
,, Овој камп има за цел младите да се информираа и запознааат со основите на претприемништво, важноста на деловната комуникација и бизнис планот. Веќе се разработија повеќе теми преку интерактивни предавања а преку најразлични вежби, младите ќе можат да развијат специфични вештини кои се неопходни за основање сопствен бизнис.Под мотото „Никогаш не престанувај да креираш“,Филип Чаловски, познат менаџер по гастрономија и сопственик на успешен бизнис, се потруди да им го пренесе своето искуство во областа на претприемништвото, со цел да се изградат во сопствени брендови, да креираат и да творат и со тоа да остават свој печат и бенефит за целото општество,, соопштија од Центарот
Во наредните денови од Кампот, учесниците поинтензивно ќе работат во групи на разработка на своите деловни идеи преку подготовка на Бизнис планови и на крај нивно презентирање.
Кампот за претприемништво и иновации за млади ќе трае до Недела, 2-ри октомври, а е организиран во рамките на проектот „Бизнис екосистем како интегриран систем“, финансиран од Европска Унија и Националните Фондови на земјите учеснички преку Интеррег ИПА Програмата за прекугранична соработка помеѓу Грција – Р. Македонија 2014-2020.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
