Десетина млади од Колешино, Борисово и Мокриево вчера чистеа на повеќе локации во подбеласичкото населено место Мокриево. Чистењето е дел од акцијата ,,Нашиот крај без отпад“ што ова неформална граѓанска иницијатива ја спроведува веќе подолг период чистејки ги јавните зелени површини од отпад.
Се собираше отпадот од јавни површини во и околу Мокриево оставени од несовесни граѓани. Како што не информираше Давид Златанов кој како независен стана советник и во Советот на Општина Ново Село, отпад собирале од локалитетот Пирго, локалитетот Верано, постојката на автобуската станица но и дел од селските гробишта на Мокриево.
Речиси една тракторска приколка отпад беше собрана во акцијата а младите активисти најавија дека ќе продолжат со еко активистите и во други населени места од Општина Ново Село во рамките на генералната акција ,,Нашиот крај без отпад“ .
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
