Екипата на Академија Пандев родени 2004/05 не успеа да се пласират во завршницата од меѓународниот турнир КУП на Пријателство што се одржува во Златибор соседна Србија на кој учествуваат вкупно 12 екипи од Балканот. Тие денеска на пенали загубија од врсниците на Црвена Ѕвезда откако во регуларниот дел мечот заврши 1:1. Белградскиот состав поведе преку Веселиновиќ додека струмичани преку Стојанов израмнија но во пенал рулетото немаа среќа да се најдта меѓу четирите најдобри екипи на турнирот.
Младите пандевци предводени од Мартин Алаѓозовски и Милан Василев беа во групата Ц каде претрпеа несреќен пораз од Динамо со 1:0 а ремизираа со Сараево без голови. Како втори од групата се сретнаа со првопласираниот Црвена Ѕвезда од групата А која благодарение на среќата се најдоа во полуфиналето оз златиборскиот турнир кој преставува и своевиден саем на млади фудбалери
Српските медиуми пишуваат дека Академија Пандев има огромен квалитет и потенцијал а играта во сите три натпревари докажува дека во Академијата на големиот Горан Пандев се работи професионално и воопшто не заостануваат зад големите клубови како Динамо, Сараево и Ѕвезда.
Освен овие екипи на турнирот КУП на пријателство во Златибор се и тимовите на Партизан, Војводина, Осијек, Железничар,Олимпија од Љублана, Вардар, Тузла и Сутјеска.
Во полуфиналето ќе играат Црвена Ѕвезда и Динамо Загреб но и тимовите на Партизан и Војводина
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
