Учениците од ООУ Крсте Мисирков од Гевгелија се победници на едукативната еко акција што ја организираше здружението на граѓани ChangeMakers4all во населбата ,,Илинденска’’ каде учениците се дружеа едуцираа и натпреваруваа кој повеќе ќе собере пластика што се рециклира од расфрланото ѓубре по ова маало. Основците од Крсте Мисирков собраа вкупно 18 килограми пластика и ја освоија наградата еднодневна еко екскурзија на Кожув
Имено на ова едукативна еко акција учествуваа ученици од основните училишта Владо Кантарџиев, Крсте Мисирков од Гевелија и Страшо Пинџур од Јосифово како и средношколци од Јоcиф Јосифовски од Гевгелија. Тие заедно со свои професори беа дел од настанот за да се пати порака дека младите заслужуваат да живеат во здрава и чиста Гевгелија. Заедно со екипи на ЈП Комуналец тие ја чистеа населбата Илинденска во Гевгелија и собраа вкупно 53 килограми платика што се рециклира
Основното училиште Крсте Мисирков, со собрана пластика од 18 килограми беше прво на натпреварот, втори беа учениците од Владо Кантарџиев 15 кг. пластика, трети беа учениците од Страшо Пинџур од Јосифово со 11,2 кг. а средношколицте од Јосиф Јосифовски 9 кг. Пластиката беше однесена во капацитет за рециклажа а со собраните средства засадија палми во Илинденска
,,За нашето здружение сите тимови се победници. Тие ги раздрмаа нашите емоции гледајќим што им оставаме на идните генерации. Младите порачаа дека сакаат чиста и зелена Гевгелија. Веруваме дека нивната порака ќе допре до сите нас, да се грижиме за средината во која живееме и ќе бидат пример за сите ’’ информираа од здружението ChangeMakers4alL
Фото: Тасевски/Мијов
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
