Мартин Алаѓозовски ќе го предводи првиот тим на Брера Струмица во дуелот против Шкупи дознава Дрнка.МК портал. Тој добил зелено светло од управата на клубот да застане на чело на сениорскиот состав на струмичкиот прволигаш откако пред две недели стратегот Панче Стојанов си поднесе оставка од лични причини.
Алаѓозовски утре на стадионот Благој Истатов во Струмица ќе го има своето деби како стратег на прволигашка екипа. Тој контуинирано е во младинските погони на Академија Пандев сега Брера Струмица каде се има закитено со повеќе титули што првенствени што Куп. Тој беше тренер на шампионскиот младински состав со кој Брера играше против Сараево. Лани со пионерскиот состав Алаѓозовски го крена шампионскиот и куп пехарот.
Според многумина Мартин Алаѓозовски е одличен стратег кој знае да направи хармонија во екипата и да создаде простор и можност да се истакнат сите поединци, но и да направи компактен тим и да го извлече максимумот од него.
Алаѓозовски кој паралелно е и помошник тренер на У16 репрезентацијата на Македонија, според информациите е моментално решение на управата на Брера Струмица за позицијата шеф на стручниот штаб но не се исклучува можноста тој да остане на таа позиција и во продолжението од првенството.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
