Македонската ракометна репрезентација ја совлада селекцијата на Грција со 27:23 во последното квалификациско коло и како првопласирана во Групата 3 обезбеди пласман на Европското првенство следната година. Во спортскаа сала Парк во Струмица, ракометарите предводени од капитенот Кире Лазаров им се одмаздија на грците за поразот во Кожани и со вкупно 9 бода во групата ќе чека полесни противници на ЕП догодина каде пласман обезбедија сите држави од поранешна Југославија
Македонија лошо го почна натпреварот. Грција во првите 15 минути постојано имаше предност од два до три гола. Израмнување стигна на неколку минути до крајот на првото полувреме кое го завршија во своја корист со 13-11.Во вториот дел Македонија рутински ја одржуваше предноста и на крајот запиша победа од четири гола разлика.
Капитенот Кирил Лазаров, како и Филип Талески и Жарко Пешевски постигнаа по пет гола за нашата репрезентација, во која одличен настап имаше и голманот Митревски со 13 одбрани. Освојувањето на првата позиција ќе и донесе на нашата селекција подобра позиција пред ждрепката закажана за 28 јуни во Виена
фото: www.gol.mk
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
