Родителите на малата Анастасија Ризова за која пред неполни осум месеци цело Валандово се дигна на нозе и собираше донации за лекување на малото девојче, деновиве до редакцијата на Радио Валандово ФМ реагираа оти добиле информација дека во Скопје лица користејки го името на малата Анастасија собирале донации.
“Почитувани сограѓани, Ве известуваме дека ние како семејство денес сме вознемирени од информацијата дека се собираат пари за Анастасија. Ние не сме побарале никаква помош од кога заминавме и сме вратени од Турција, од кога заврши лекувањето на нашата ќерка Анастасија. Добивме информација дека низ Скопје се собираат средства за Анастасија, со пораката “Таа е излекувана но сега треба да се продолжи пак лекувањето”. Ваквото лажно собирање на средства во името на нашата ќерка и нашето семејство, во моментов не вознемирува многу. Ве замолуваме сите да споделите дека ова е ЛАЖНО СОБИРАЊЕ НА ПАРИ, и веднаш да пријате во полиција.” информираат од семејството Ризови.
Инаку девојчето страдаше од ретка форма на тумор за што беа потребни околу 100 илдади евра за операција и лекување на Анастасија во Турција. Се создаде кампања ,,Сите за Анастасија’’ во која се вклучија голем број граѓани но и истакнати спортски личности од земјава и странство. Отворени беа и повеќе донаторски кутии во Валандово но и во околните општини.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
