Лилјана Јешменова Стојановиќ од ЗНАМ од денеска е нов член на Советот на општина Струмица. Таа доаѓа на местото на Александар Илиев чииј мандат беше верификуван на конститутивната седница но си поднесе оставка поради работно ангажирање во меѓународна мисија во странство.
Лилјана Јешменова Стојановиќ по професија дипломиран инженер- технолог при Универзитетот “Св. Кирил и Методиј”- Скопје. Нејзината мисија во кампањата беше дека ќе ги застапува децата, младите, самохраните родители, маргинализираните и сите оние што не се слушнати доволно. Со 22 гласа, советниците го верификуваа нејзиниот мандат.
Александар Илиев кој беше носител на листата на ЗНАМ на ФБ објави дека и посакува успех на Јешменова Стојановиќ и верува дека како млада жена и интелектуалец ќе има можност да покаже дека младите може да донесат квалитет во локалната политика. Како што напиша тој во политиката не се вмешал за да добие вработување.
Втор по Илиев на листата беше д-р Кирил Манчев кој заради неспоивост на функциите го предаде мандатот на младата Јешменовиќ Стојановиќ.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
