Лани општина Гевглеија преку електронско јавно наддавање продала 11 градежни парцели за домување во во населбите Касарна и Караорман при што цената за метар квадратен стасала и до 46 евра, објави општината на својата веб страна. Станува збор за градежна парцела за домување во стамбена зграда додека цената на метар квадратен за стамбени куќи се движела од 11.8 до 36,2 евра.
,,Од вкупно понудените на продажба 11 градежни парцели по пат на електронско јавно наддавање, отуѓени се сите градежни парцели на физички или правни лица. Најголем интерес на јавното наддавање имаше за градежните парцели за домување во станбени куќи, во станбената населба кај Касарната во Гевгелија. Се јавиле 23 понудувачи а цената за метар квадратен стаса од 1.100 до 1.912 денари Додека, за градежните парцели на „Караорман“, во јавното наддавање се пријавиле 17 понудувачи, а постигната е цена од 730 до 2.230 денари. На јавното наддавање за градежната парцела во населбата кај Касарната, наменета за домување во станбени објекти, се пријавил само 1 понудувач, а е постигната цена во висина од 2.827 денари за метар квадратен.,, објави општина Гевгелија
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
