КПУ Затвор Струмица, за прв пат од постоењето на оваа институција почна да воведува настава за средно образование за осудениците кои издржуваат казна затвор во оваа установа. Наставата се реализира во целосно реновиран простор во кругот на установата каде оние лица кои го немаат завршено средното, може да слушат часови и да полагаат со што би го формализирале или завршиле средното образование.
Наставата ќе ја реализираат професори од ДСУ-РЦСОО „Никола Карев“ – Струмица, со што е овозможен квалитетен и стручен образовен процес. Со програмата се опфатени осудени лица кои ќе имаат можност да се стекнат со средно образование, користејќи го својот престој во унапредување на личниот развој, зголемување на компетенциите и создавање подобра перспектива по издржувањето на казната.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
