Кошаркарите на Струмица ја забележаа и третата победа во второлигашкото првенство и ги зголемуваат шансите за опстанок во второто по квалитет кошаркарско натпреварување во Македонија. Во рамките на 14 тото коло од Втората лига, кошаркарите на Струмица ФМП славеа против Охрид со 93:86 (25:22 21:14 22:20 25:30 ) – втора во вториот дел од првенството.
Избраниците на Златко Зетов и Ики Христов во текот на целиот натпревар ја имаа доминацијата на паркетот во салата при ДСУ Никола Карев во Струмица . Одиграа сконцентрирано во првиот дел што им донесе водство од 10 поени а со исто темпо продолжија и во третиот период. Попуштија во финишот од средбата кога беше јасно дека победата е во џеб.
Пајиќ беше најефикасен на мечот. Постигна 31 поени а десет помалу Исајлоски. Панов уфрли 15 Александровски 14, Ѓорѓиев 6, Шутаров 4 и Тодосиев 2.
Главна цел на кошаркарите на Струмица кои лани играа Трета а со фузирањето со ФМП се преселија во Втората лига е опстанок. Втората лига брои 12 екипи .По завршување на двокружниот бод систем првите осум екипи играат плеј офф за Прва лига екипите на 9 и 10 место остануваат во Втора лига додека 11 и 12 пласираниот тим се селат во Трета лига
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
