Според ,,Трансфермаркт’’ сајтот кој ги следи трансферите и ги вреднува фудбалерите но и клубовите, Првата македонска фудбалска лига тежи околу 38 милиони евра а наjголема клупска вредност според овој сајт има тетовска Шкендија која чини 5,4 милиони евра. Од редовите на Шкендија доаѓа и најскапиот фудбалер а тоа е Егзон Бејтулаи чија вредност на фудбалскиот пазар изнесува околу 800 илјади евра по што следува струмичанецот Љупче Дориев чија вредност се проценува 700 илјади евра.
Според податоците обајвени на 1 јануари ова година, Академија Пандев која есенскиот дел го заврши на 11 тото место, има вредност од 4,25 милиони евра и во моментов преставува трет фудбалски клуб по вредност во земјава, зад Шкендија и Шкупи. Просечната старосна граница на фудбалерите во овој клуб е 24 години во кој има двајца странци. За разлика од ФК Академија Пандев, ФК Беласица според ,,Трансфермаркт’’ чини 1,8 милиони евра и има најниска вредност. Клубот кој е последен по есенскиот дел има најмлад тим со 4 странци. Просечната старосна граница на фудбалерите на Беласица е 23,8 години.
Што се однесува до фудбалерите што настапуваат во двата струмички фудбалски прволигаши, највисока вредност има 25 годишниот фудбалер на ФК Академија Пандев – Ѓорги Стоилов. Според ,,Трансфермаркт’’ неговата цена изнесува околу половина милион евра, по што следуваат Марјан Радески со 350 илјади евра, Томислав Илиев, Диме Димов и Никола Серафимов чија вредност се проценува на околу 300 илјади евра за секој поединечно.
Кај Беласица пак, сеуште стои дека Робсон Да Силва е најскап фудбалер чија вредност чини околу 300 илјади евра иако тој замина од таборот на струмичките сино бели. Иако во листата за ФК Беласица се вметнати и новите засилувања, сепак највисока цена има Антонио Каланоски и Зоран Ивановски, кои на фудбалскиот пазар се проценуваат на околу 150 илјади евра.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
