Само четири општини од Југоистокот имаат објавено огласи за јавна набавка на услуги за новогодишно и божиќно украсување . Станува збор за општините Струмица, Гевгелија, Радовиш и Валандово чии постапки се во тек или завршени а според огласите, новогодишното треба да започне во првата декада од месец декември.
Општина Струмица за новогодишно и божиќно украсување планира да потроши 2 милиони и 118 илјади денари без ДДВ. Според огласот украсувањето треба да почне на 1 или најдоцна до 8 декември при што се планирани Новогдишна елка на плоштадот во висина од 15 метри но и разновидни светлечки украсни елементи на булеварите Ленинова, Маршал Тито и Гоце Делчев, улиците Балканска, Сандо Масев и плоштадот со соодветно украсување.
Според огласот, украсите од сите локации треба да се отстранат на 25 ти јануари освен на булеварот Маршал Тито и тоа од крстосницата со булеварот Ленинова кај Глобал до крстосницата со булеварот Гоце Делчев, кои треба да се отстранат на 8 март.
Општина Радовиш за новогодишно и божиќно украсување планира да потроши 1 260 000 денри без ДДВ. И таму се планираат да се постават елки и новогодишно-украсни светлечки елементи на плоштадот и главните сообраќајници и тоа во првите денови од месец декември.
Гевгелија за ова намена треба да потроши 900 илјади денари без ДДВ. Планирани се 80 светлечки елементи фигури, топки и солзи на булеварот Гевгелија од бензинската до кружниот тек. Потоа улицата 7 ми Ноември со 40 светлосни фигури а се планирани светлечки декоративни елементи и на улиците Димитар Влахов, Слободан Митров Данко, Радован Ковачевиќ, шеталиштето. На центарот во Гевгелија и кружниот тек се планира да бидат поставени елки во висина од 10 метри.
Општина Валандово за украсување планира да потроши 500 илјади денари исто така без ДДВ. Во Валандово и Гевелија, огласите се во завршна фаза. Кај овие две општини украсувањето треба да почне во првата половина од месец демекври и треба да трае до последната декада од месец јануари идната година.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
