Најмалку трипати во годината, русалиите од струмичкото село Секирник ги изведуваат обредните русалиски игри за здравје, срека и берикет во селото но и за продолжување на вековната историја на македонците од кукушко. Облечени во специјална облека- свечена народна носија богато украсена со разни орнаменти , црни волнени капи, црвени шамии вкрстени на градите и плеките но и со сабји – калчки во раце, излегуваат и го шетаат селото за време на Божиќ Велигден и Богородица . Одејки во колона по двајца со своите сабји и обредните игри ги гонат злите и нечисти духови и собираат дарови за црквата.
Овие игри жителите од Секирник ги наследиле од своите татковци, дедовци кои биле протерани од Грција за време на балканските и граганската војна. Кога дошле во ова село и сфатиле дека нема да се вратат на своите огништа во кукушко, со русалиски игри ја отпочнале својата мисија. Ем да ги бркаат злите духови од селата, ем да собират пари и дарови за изграба на црква во селото Секирник.
Нивната мисија започнала 1926/ 27 година и траела 4 години .Секоја година за т.н 12 некрстени денови од Божик до Водици тие ги посетувале селата од Гевгелија до Штип, при што ги гонеле караконџулите и вештерките кои нанесувале зло и собирале дарови за црквата Успение на Пресвета Богородица во Секирник која во 1932 година била готова и било крстено првото дете на бегалците од кукушко кои се доселиле во ова село.
Пред да ја отпочнат својата мисија на гонење на злите и нечисти духови а со тоа да донесат здравеје и берикет на селото, паралелно и дарови на црвката, русалиите од Секирник се собираат во дворот на црквата Успение на пресвета Богородица. Таму се облекуваат и се подготвуваат за своите ора и игри. Некои ги вежбат движењата чекорите. Потоа од селскиот поп земат благослов кој ги попрскува со света вода. Пред да го шетат селото трипати ја кружат црквата при што клчките ги држат нагоре.
Со шетањето и традиционалните ора тие ја истеруваат лоштоијата од селото. Тоа го прават на првиот ден од Божик, за време на Велигден и за празникот Успение на пресвета Богородица
Се верува дека Русалиите имале и исцелителна мок посебно за т.н. некрстени денови. Затоа своевремено секое село со нетрпение ги очекувале овие играорци. Најсрекни биле домакините во чии дом ке преспие Русалиската чета. Доколку во некое семејство има болен, тројца од играорците влегуваат кај болниот играат околу него замавнувајки со сабјите и вкрстувајки ги за да ја истерат болеста.Ако тоа е болно дете тоа се зема во раце и се изнесува надвор каде се прави ритуалот.
За време на 12 дневната мисија на некрстените денови од Божик до Водици русалиите имале строги правила. Помегу себе не зборувале освен навечер. Не се крстат кога јадат, не благословуват кога пијат и не поздравуваат кога ке сретнат некого.Н икогаш не газат вода секогаш одат во двојки а по пат ако наидат на кладенец, суво дрво стари гробишта, крстопат тие ги обиколуваат три пати и си ги вкрстуваат сабјите и извикуваат Ехееее. Своите русалиски ора ги играт сред село а по играта извикуваат ,,Напомош да ви е Светиот (името на светецоте за чијшто храм се собира помош)…
В. Трајков фото – архива
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
