Кошаркарите на Струмица утре ја отвораат новата првенствена сезона со настап во најсилната кошаркарска лига на Макеоднија. Во салата Парк во Струмица утревече со почеток во 19 часот, струмичкиот прволигаш го пречекува тимот на Еуро Никел од Кавадарци.
Ова ќе биде камбек на струмичани во прволигашкото друштво по пауза од пет години откако лани како втора најдобра екипа од второлигашкото друштво, обезбедија право за настап во елитната кошарка на Македонија.
КК Струмица 2022 ова сезона ќе настапи со млада екипа засилена со неколку домашни и странски кошаркари чија цел ќе биде првично опстанок во Првата лига и искористување на секоја шанса за пласман во ТОП 8- те екипи кои ќе играат за разигрување за титулата.
Екипата на Струмица ќе ја предводи тренерското дуо Златко Зетов и Ики Христов. Тие очекуваат неизвесен натпревар иако гостите од Кавадарци се фаворити заради контуинираниот настап во Прва лига. Управата и стручниот штаб на клубот ги повикува сите лубители на кошарката да бидат пристуни во салата Парк и да дадат поддршка на струмичките кошаркари со победа да ја стартуваат новата првенствена сезона
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
