Кошаркарите на Струмица забележаа победа против Шкупи од заостанатиот меч од 6 првенствено коло од Втората лига Исток со која остануваат во трката за пласман во ТОП четворката која со најдобрите четири од западното друштво ќе ги дадат патниците за Првата лига преку плеј офф натпреварувањето. Струмичани во крајно драматична завршница славеа со 69 : 67 иако имаа речиси 20 поени предност на крајот од третата четвртина а во финишот се спасуваа од продолжување или пораз
КК Струмица одигра одлични три четвртини. Го принуди Шкупи предвреме да се помири со пораз ако се има во предвид дека на стартот од последните 10 минути имаа 62:42. Но место да се запечати победата, струмичани мораа да се ,,чуваат’’ од пораз. Немањето искуство и слабиот ростер заради неиграњето на Ахтаров и Мелов ги принуди на многу грешки кои Шкупи максимално ги искористи и се приближи на само 2 негатива кои избраниците на Зетов успеаа да ги зачуват.
Најефикасни во таборот на Струмица беа Абрашев со 20 поени, Димитриев со 15 поени и Шајкаров со 14 поени. Се истакнаа и помладите 16 годишниот Васил Томов и 15 годишниот Димитар Зетов кој максимално ги искористија своите минути и дадоа огромен придонес за победата.
Сепак на крај Струмица се радуваше на победа со 69:67- четврта победа од вкупно 7 меча. Од есенскиот дел Струмица има уште два одложени меча и тоа против МКК Куманово и Баскет Кам во Македонска Каменица. Пролениот дел треба да го стартуваат на 13 февруари со Феникс во гости
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
