Мерните станици за квалитетот на воздухот што ги постави Општина Струмица на 6 локации во градот покажуваат екстремно загаден воздух на сите локации но најалармантна е состојбата кај ДСУ Никола Карев каде во неколку наврати штетните ПМ 10 честички попладнево скокнаа и над 1000 микрограми на кубен метар.
Освен кај ДСУ „Никола Карев“ алармантни податоци на штетните ПМ 10 и ПМ2,5 честички покажуваат и мерните станици кај ООУ „Никола Вапцаров“ но и кај ООУ ,,Маршал Тито“ во Струмица. Станува збор за мерни станици кои Општина Струмица ги постави лани со цел да се индетификуваат критичните зони и на тој начин полесно да се лоцираат загадувачите.
Попладнево еко активистите од „Здрава котлина“ апелираа до граѓаните да не излегуваат надвор а од надлежните да превземат соодветни мерки и да прогласат кризна состојба
„Воздухот денес е сериозно загаден, а се очекува во текот на ноќта состојбата дополнително да се влоши. Доколку не мора – не излегувајте, особено деца, постари лица и хронично болни. Ова не е магла, туку чад штетен по здравјето. Во исто време, останува прашањето како е можно надлежните и понатаму да молчат – без мерки, без реакција и без прогласена вонредна или кризна состојба, додека здравјето ни се одзема, ден по ден. Правото на здрава животна средина е уставно загарантирано право, и за неговото системско кршење и премолчувањето без санкции некој ќе мора да сноси одговорност“, стои во објавата на Здрава котлина
Општинските власти соопштија дека се праваат конутинирано контроли од страна на инспекциските служби.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
