Синоќа кај брана Мантово општина Конче, полициски службеници од Радовиш привеле 38 годишен жител од Штип кој во своето возило ,,фолсфаген туарег” превезувал 13 мигранти од Гана, Пакистан, Сенегал и Бенин. Како што соопшти полицијата против него ќе биде поднесена кривична пријава а мигрантите се пренесени во Прифатниот центар Винојуг кај Гевгелија
,,На 12.03.2022 во 20.00 часот на локален пат покрај брана Мантово, радовишко, полициски службеници од Полициската станица Радовиш го лишиле од слобода М.О. (38) од Штип, кој во моторно возило „фолксваген туарег”, со скопски регистарски ознаки, превезувал 13 лица мигранти, од кои 5 од Гана, 5 од Пакистан, 2 од Сенегал и 1 од Бенин. Лицата мигранти биле пренесени во Транзитниот центар „Винојуг” Гевгелија, а увид на местото извршиле инспектор од Регионален центар за гранични работи Исток и екипа на ОВР Радовиш. М.О. е приведен во полициска станица, за случајот е известен Јавен обвинител од ОЈО за гонење на организиран криминал и корупција и против него ќе биде поднесен соодветен поднесок,, стои во информацијата од МВР
Ова не е прв случај на овој предел да бидат откриени мигранти. МВР завчера соопшти дека на крстосницата кон Конче, брана Мантово и Ракитес во возило марка ,,санг јонг” биле пронајдени 9 мигранти и се трага по возачот на возилото
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
