Фудбалерот и капитен на струмичкиот прволигаш Академија Пандев – Томислав Илиев стави крај на ергенскиот живот. Тој деновиве ја побара за жена својата сакана Љупка Глигорова со која беа во врска повеќе од две години. Вели дека чинот го планирал многу од подамна, но се случило викендов во домашен амбиент кога имал и најмногу трема во животот бидејки не сакал никој да го расипе изненадувањето.
,,Планирано беше секако. Се случи во домашен амбиент поради ситуацијата со ковид. Имав трема, мислам кој би ја немал на таков ден,, вели Томче кој на колена со свршенички прстен ја побара за сопруга Љупка со која се во врска над две години
Засега не планираат конкретни термини за свадба. Чекаат да се смири пандемијата па тогаш со сите адети да ја споделат својата љубов, радост. Љупка студираше на Факултетот за медицински науки во Штип и како што вели Томче имаат многу заеднички работи што ги интересира во животот.
,, Од кога сме заедно, Љупка постојано ме бодри од трибините кога настапуваме во Струмица на домашен терен. Знае да дојде и кога гостуваме но поретко.Таа ми е една од најголемите поддршки во животот,, вели скромно турновчанецот Илиев
Илиев околу 4 сезони го носи дресот на ФК Академија Пандев од Струмица. Претходно има настапувано за Хоризонт Турново, Работнички а беше дел и од младинската рперезентација на Македонија. За него Љупка вели дека е прекрасен човек
,,Томче е прекрасен човек, пред се скормен културен но не толку романтичен. Тој е моја најголема поддршка, гордост, пресреќна сум на секој негов успех личен и професионален,, вели Љупка
Инаку Томче Илиев верува дека ова сезона ФК Академија ќе го има главнито збор во шампионатот и дека ќе ја исполнат целта излез во фудбалска Европа
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
