Во рамките на Проектот за локална и регионална конкурентност, периодов фирмата ,,Подгорски Ан’’ од Колешино интензивно работи на реконструкција на руинираниот хотел кој го купи ,,Термица’’ кај Бања Банско кој сега ќе прерасне во модерен и современ хотел со спа центар и базени за мали и возрасни „Термал Лукс и Спа“. Дел од средствата за реконстуркција на овој хотелски компелкс се обезбедни до ЕУ токму преку ова програма за локална и регионална конкурентност а најголемиот дел се од инвеститорот Подгорски Ан кој изминатиов пердиод отвори сместувачко угостителски капацитет на влезот во Колешино.
Реновирањето на овој хотел се одвива во рамките на потпроектот ,,Култот на водата’’ кој има за цел зголемување на капацитетите за сместување и угостителство во Бања Банско со збогатена туристичката понуда со нови активности и содржини но и за поголема промоција на дестинацијата Струмица и регионот. Според информациите на Дрнка.МК хотелот ќе биде со капацитет од 100 легла. Ќе има фитнес центар, надворешен медицински мазен со 40 степени целсиузови топла вода, детско катче, ИТ катче но и други попратни содржини во функција на бањскиот, спа и рекреативниот туризам во Бања Банско
Во рамките на овој проект планирано е реновирање на хотелот „Термал Лукс и Спа“, реновирање и опремување на спа центар, реновирање и опремување на сала за конференции, реновирање и опремување на просторија за дегустација и консумација на органска храна и вино – винотека , поставување на урбана опрема во околината на хотелот и изработка на промотивни содржини за локалните туристички атракции и нивна промоција преку алманах.
Инаку во рамките на овој проект има и рекреативна пешачка патека од Подгорски Ан кај Колешино до хотелот ,,Термал Лукс и Спа’’ во должина од 4, 8 километри
Преку овој проект се планира и реновирање и опремување на просторија наменета за Апи туризам во Водоча со цел да понуди дополнителни активности во природа за туристите кои ја посетуваат дестинацијата Струмица и околината.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
