Подготовките за „Ангелска слава 2025“ во село Ангелци – Општина Василево се при крај, соопштуваат младите од оваа населено место кои секоја година во првата недела од месец август организираат забава на која се собираат донации за решавање на одредени проблеми во селото. Годинава таа е закажана за 7 август со почеток во 19 часот и 30 минути на веќе добро познатата локација а тоа е пред црквата ,,Св. Спас“ во центарот на селото.
Станува збор за СЛАВА на која може да се видат сите жители на Ангелци и оние што живеат и оние што се на времена работа во странство. Целта е сите заеднички преку позитивна енергија и размена на мислења и идеи да придонесат Ангелци да стане подобро место за живеење.
Од тука организаторите упатуваат покана до сите кои имаат корени или поврзаност со Ангелци но и сите добронамерници да бидат дел од забавата за која ќе се погрижи познатиот и веќе докажан ,,Фратали Бенд“ заедно со Јане Крстев на гајда
Ангелска Слава се организира од 2021 година. Беше иницирана од младите кои потекнуваат од Ангелци а живеат во западноевропските држави а прифатена од жителите на оваа населено место заедно со фирми кои донираат за родниот крај да биде подобро место за живот.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
