Забавата Get EXITed ја наполни Струмица со илјадници посетители од повеќе градови од земјава, но и соседните држави. Започна околу 21 часот а траеше дораните утриснки часови. Во Градскиот парк гостите се забавуваа со познати имиња од светската и од регионалната музичка сцена.
Атмосферата ја загреа регионалната кралица на трапот Сенида, а настапија и глобалниот хитмејкер, продуцент и диџеј Махмут Орхан, српскиот диџеј Кристијан Молнар и италијанската техно ѕвезда Дебора де Лука.
Домашната музичка сцена ја претставуваа Дина Јашари, групата „21 век“ и Гоце САФ.
Get EXITed беше своевидно влегување на фестивалот Егзит во Македонија, кој најави дека настанот во иднина би можел да добие и пообемно издание.
Душан Ковачевиќ од Егзит најави дека догодина се планира фестивалот да има две вечери кој повторно би се одржувал во месец септември околу Денот на независноста. додека градоначалникот на Струмица Костадин Костадинов кажа дека Струмица догодина ја очекува уште поголем фестивал со оглед на посетеноста и енергијата кај гостите што допатуваа во Струмица.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
