Лидерот во Општинската фудбалска лига на Струмица – екипата Спартмани од Градско Балдовци го претрпе првиот пораз и тоа во Добрејци од екипата на Илинден. Домаќините славеа минимално со 1:0 но доволно да го направат најголемото изненадување во шестото коло во лигата на ОФС Струмица и да стасаат до третата победа во првенството.
Во Пиперево за мечот Единство – Интер Кукла ќе заседава ОФС Струмица. Таму едни соопштуваат дека мечот се одиграл, други пак дека не. Домакините тврдат дека славеле победа од 2:1 додека гостите од Куклиш соопштија дека го добиле службено 3:0. Мечот што се одиграл бил пријателски и ревијален за публиката.
Огражден од Ново Село му го нанесе третиот пораз на Дрвош. На свој терен славеа со 2:0 со што новоселчани дојдоа третата победа и нови три бода со кои се пробија во горниот дел од табелата.
На теренот во Злеово радовишко паднаа дури 10 гола. Слога славеше против Напредок со 6:4 и ја прокнижаа третата победа.
На врвот на табелата станува густо. Со новите три бода (службени) Интер Кукла е лидер пред Спартмани кој има 13 – во спротивно ќе бидат со бод помалку. На врвот им им се приклучи и Огражден кој има 11 бода на третото место, додека екипите на Слога од Злеово и Илинден од Добрејци се на четвртото и петото место со по 10 бода. Дрвош е шестти со 7 бода, Единство од Пиперево седми со 6 бода а без бодови и понатаму е Напредок од Радово
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
