„Лудо младо“ е насловот на новата песна што Сузана Гавазова ја објави на социјалните мрежи заедно со видео запис, снимен на повеќе локации во земајва. Станува збор за песна за која текстот го напиша лично Гавазова користејки стихови од македонски изворни песни а музиката и аранжманот е на Јован Василевски.
,, Па добив инспирација од нашите Македонки за текстот, иако користев стихови и од стари изворни песни. Направив компилација за да биде певлива. Нашите Македонки пленат со својата природна убавина и тоа ме натера да напишам текст за песната. Таа е патриотска како што ќе биде и следната со наслов,,Света земја“што треба да излезе за десетина дена,, изјави за Дрнка.МК Сузана Гавазова.
Во спотот Гавазова ги презентира Колешинскито водопад, убавините на Пелистер, познатото село Зовиќ, црквата Св. Атанасиј Александриски кај Брвеница, спомен костурницата во Велес…..
„Песната има своја порака а тоа е да си ја сакаме својата земја. Има одредени недостатоци но овде сме и мора да покажеме кои сме и што сме. Никој не може да не натера да се откажеме од своите корени. Каде и да сме ние сме Македонци“, вели Сузе
Таа во спотот се појавува во бела и црна тоалета креации од „Елена Лука“ со која Гавазова соработува веќе подолг период а фризурата e на Александар Тошев.
Во спотот настапува и Културно уметничкото друштво Брвеница а видео записот го изработи ,,Ред Централ“ продукција во режија на Ѓорѓе Богдановски. (В.Т)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
