За месец дена во гевгелиската болница регистрирани се 50 дечиња кои се згрижени на детското одделение со сиптоми на грип иако не е сезона или пак се лекувале на дневна болница. Дечињата на возраст до пет години имале висока температура и тешкотии на дишење со наод на белите дробови, што не е вообичаено за овој период . Како што соопшти директорот на болницата Митко Крџев во моментов на детското одделение хоспитализирани се две бебиња а 20 деца се лекуваат на дневен третман а во изминатиот месец неколку дечиња со потешка клиничка слика се препраќани и во Скопје кои имале потреба од кислородна поддршка.
,,Се работи за вирусна или за бактерсика инфекција на горните респриаторни патишта кои набргу поминуваат во инфекција на долните респираторни патишта со чести компликации на бронхопневманија. Овој тип на заболувања не е каректеристичен за летните месеци, вообичаено за ова категорија на пациенти се цревните заболувања. Што е причината и зошто се јавува во овој период за нас е непозната,, рече директорот Крџев
Изненадувачката голема бројка на дечиња со сиптоми на сезонски грип и бронхопневмонија, ги изненадиле и лицата од Центарот за јавно здравје од Гевгелија. Со нивна соработка кај дечињата биле направени ковид тестови но сите биле негативни
,,Бидејки беше постковид сезона направени се брзи и ПЦР тестови кај дечињата но тие излегоа негативени . Земен е матријал и препратен е до соодветни институции во Скопје на геномско секвенционирање за да утврдиме за каков причинител станува збор дали е вирусна или бактериска инфекција,, рече Крџев
Во Гевгелија епидемиолошката слика со ковид -19 е мирна и веќе подолг временски период нема новозаболени со вирусот.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
