Различно го празнуваат Велигден, жителите од подбеласичкото село Колешино во општина Ново Село. Едни вапсаат велигденски јајца, други не.. Едни Христовото воскресение го најавуваат и пречекуваат во сабота вечер, други во недела а трети воопшто не одат на црква и за нив Велигден е обичен ден. Во Колешино има повеќе верски заедници и секој Велигден го слават според своите религиозни верувања. Во ова село има православни верници, методисти, адвентисти , јеховини сдведоци…..
,,Велигден го славиме уште од четврток.Наутро вапсиме три јајца. На велики петок како најтежок празник во христијанството одмараме и воопшто не работиме. Во саботата одиме во црквата ,,Св спас,, каде со биење на камбаните го означуваме Христовото воскресение а во недела приготвуваме велгиденска трпеза за најблиските,, објаснуваат православните верници кои се најбројни во Колешино познат село по колешинските водопади.
На идентичен начин Велигден го празнуваат и методистите. Тие Христовото воскресение го одбележуваат со богослужбата во недела наутро, кога верниците со читање на библијата го означуваат Велигден
,, И ние вапсуваме црвени јајца. Но за нас Велигден почнува со неделната богослужба во раните утрински часови по што си го честитаме христовото воскресение.Одиме семејно на црква по што се враќаме дома и го подготвуваме велигденскиот ручек,, раскажуваат методистите кои во Колешино на последниот попис се изјасниле 80 тина домаќинства
Адвентистите или кај народот познати како саботјани, не вапсуваат црвени јајца ниту пак организираат велигденски ручек за најблиските за овој голем христијански празник. Како што тврдат тие за нив сабота е празникот кога одат на црква. Веруваат во Христовото воскресение но воопшто не го слават
,,Ние за Велгиден не вапсуваме јајца.На црква одиме во сабота и тогаш за нас е празник. Ако некој ни дојде за Велгиден на гости што има тоа ќе му го принесеме, но не организираме семејни ручеци,, објаснуваат адвентистите кои ги има неколку домакинства во ова село под Беласица
Слични се и членовите на Царството на јеховини сведоци кои се најмалкубројни иако имаат и своја сала над селото каде се чита библијата.Тие ја празнуваат ,,Господовата вечера,, недела дена пред овој празник а за Велигден може и да работат
Своевреено во Колечино имало и пентакосни, баптисти и атеисти.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
