Граѓанското здружение ,,Changemakers4all’’ од Гевгелија изминативе две недели реализраше донации со опрема за гевгелиската болница но и за ООУ Владо Кантраџиев. Станува збор за донации од Холандија. Како што не информираше Марина Томова од ова здружение во гевгелиската болница се донирани инвалидски колички и ролатори – помагала за одење а по потреба и за седење доколку има потреба зависно од состојбата на пациентот додека во ООУ Владо Кантраџиев спортска опрема за учениците по физичко воспитување
,, Нашата цел е да помогнеме колку што можеме за нашите сограѓани. Благодарение на нашите пријатели од Холандија Jan Zwiers, Dick Blokzijl, Jan Bork, Wim Kleine и фирмата Microdonia успеавме да обезбедиме дваесетина инвалидските помагала кои ќе бидат поделени на одделенијата во болницата каде што се најпотребни. Паралелно обезбедивме и донација на учениците во ООУ Владо Кантраџиев тренерки, маици, шорцеви за да можат учениците бидат исти кога спортуваат или тренираат по часот на физичко воспитување,, ни изјави Томова која изрази благодарност и до шпедицијата Ин Трејд која помагала донациите да стасат во Гевгелија
Здружението Changemakers4all од Гевгелија освен по донациите кои ги обезбедува за јавните институции е позната и по големиот број еко акции со цел да се подигне јавната свест за заштита на животната средина но и за помалку ѓубре и отпад по зелените појаси како во градот така и во околината.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
