Заврши акцијата „Новогодишна потрошувачка кошничка“ и останува прашањето дали сега прехрабените производи коишто беа на попуст ќе поскапат во наредниот период. Мерката како што наведуваат од Министерството за економија придонела за намалување на инфлацијата за 0,3 проценти во декември. Од денеска можно е цените да се враќаат на старо. Инаку во кошничката беа вклучени 1.178 производи, од 96 производители и дистрибутери.
„Податоците од Државниот завод за статистика покажуваат во декември, во однос на ноември 2024 година намалувањето на трошоците за живот кај храната и безалкохолните пијалоци изнесува 0,3 посто. Ова покажува дека новогофишната кошничка, каде што беа вклучени во најголем дел прехрамбени и безалкохолни пијалоци го дала својот ефект и цените на храната и пијалоците бележат намалување во декември, во однос на претходниот месец“, стои во соопштението на министерството.
Новогодишната кошничка беше креирана од производителите, дистрибутерите и трговците со главна цел да се креира поширока листа на одделни прехрамбени производи кои беа како понуда за потрошувачите. Министерството за економија и труд тврдат дека се спречило поголемо зголемување на цените пред новогодишните и божиќните празници и се одржало стабилно ниво на инфлацијата.
Откако беше воведена новогодишната кошница инспекторите на Државниот пазарен инспекторат беа на терен и проверуваа дали трговците пред да ги намалат производите за 10 отсто, веќе ги зголемиле цените на некои од нив.Новогодишната кошничка важеше од 15 декември до 15 јануари.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
