Синоќа пред полноќ на патнит правец Богданци – Стојаково се случила сообраќајка во која едно лице го загуби животот. Како што информираа од СВР Струмица сообраќајката се случила пред 23 часот кога до надлежните било пријавено дека на раскрсницата на локалниот пат Богданци – Стојаково се случила сообраќајка во која учествувале моторџија и камион
,,Во сообраќајката учествувале моторцикл „Баотиан 125“ без регистарски ознаки, управуван од Ѓ.В.(30) од с.Стојаково, и товарно моторно возило “Мерцедес Актрос“ со гевгелиски регистарски ознаки, управувано од С.Б.(42) од Валандово. Во незгодата на местото на настанот починал Ѓ.В,, информираа од полицијата
Извршен е увид од Јавен обвинител но и од Полициската станица Гевгелија за да утврдат како настанала сообраќајката. По наредба на Јавен обвинител телото на починатиот било предадено во Институтот за судска медицина во Скопје за обдукција.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
