Стојне Карадакоска од Струмица познат лик од хумористичното шоу ,,К-15“ деновиве лансираше нов проект насловен како „Баба Ружа со внуците“ кој може да се виде и на инстаграм но и на тик ток. Станува збор за видеа во кој Стојне на струмички дијалект со познати фрази кои ги користи изнудува смеа и позитивна енергија. Досега се објавени две серии на видеа и на ФБ и на Инстаграм во кои, на струмички дијалект се потсетуваме за онаа, што е наше секојдневие.
Дрнка:Мк Како дојдовте до идејата за Баба Ружа?
Стојне: Во план ми беше да почнам да снимам забавни, хумористични видеа, но никогаш немав замислено конкретен лик. Сè почна спонтано, од една реклама каде што само се спомнуваше името „Баба Ружа“. Првично беше Баба Снежа, но клиентот имал соседка со тоа имеПотоа размислувавме за Вера, Рада… и на крај, Ружа. Така,
Дрнка:Мк Која е целта на овие видеа со струмички изреки?
Стојне : Повторно се враќам на рекламата. Кога снимав на струмички дијалект, реакциите беа неверојатно позитивни и веднаш знаев – тоа е тоа. Целта е многу едноставна: ширење позитива. Ако некој, барем две минути додека скрола на социјалните мрежи, се насмее, јас сум среќна. Првото видео има над 350.000 прегледи, а од сите коментари – само еден беше негативен. Мислам дека тоа кажува сè.
Дрнка:Мк Од каде ги наоѓате фразите и изреките?
Стојне : Фразите се, како што сакам да кажам, „трауми од детство“Ги собирав со години, ги запишував, како и многу друг материјал. Тоа е секојдневие во кое сите сме живееле. По Part I и Part II, многу луѓе ми пишаа свои фрази и изреки, кои ќе ги користам во Part III. Така, содржината ја креиравме заедно. Навистина сум благодарна
Дрнка:Мк . Кој работи на овој проект?
Стојне : Јас лично. Но Баба Ружа е, всушност, секој од нас. Немам строг план, се водам од секојдневните ситуации и од животот каков што е.
Дрнка:Мк Што сакате да ѝ порачате на публиката?
Стојне : Нема ништо поубаво од позитивна енергија и љубов што се споделува. Тоа е сè што сакам да порачам.
Дрнка:Мк Идни планови за Баба Ружа?
Стојне : Плановите на Баба Ружа се да е жива и здрава. Ќе ја пуштиме малку „на бања“ да одмори, па продолжуваме. Се надевам дека Баба Ружа ќе расте. Таа веќе си доби свој дом на социјалните мрежи, одвоен од мојот личен профил, затоа што е народна, смешна и за сите. Ќе има: кратки хумористични видеа балкански муабети (она што сите го мислиме, а не го кажуваме) скечеви со децата, рецепти, фамилијарни ситуации модерни „глупости“ што баба не ги разбира, ама мора да ги коментира и нови ликови со тек на време Ова ќе биде место за хумор, семејни моменти и нашиот балкански дух. Ако сакате секојдневна насмевка, следете ја странатаВашата, Баба Ружа & внуците
Видета мoже да ги видете ТУКА
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
