Ем другарство, ем бизнис. Вака може накусо да се опише патот на Вангелица и Славица од Струмица, кои се другарки а со години во слободното време изработуваат различни декорации. На неодамнешниот Велигденски Базар во Струмица ги затекнавме со полн штанд со различни експонати – рачно изработени кои може да се најдат за секоја пригода под името на Спарк декор кои може да се најдат на ФБ. Доминираа креации со Велигденски мотиви но истите може да најдат примена во сечиј дом и после Велигден.
Нивните креации може да се видат и најдат на Инстаграм профилот spark dekor mk. Таму Вангелица и Славица ги нудат сите можни експонати и услуги за украсување и декорирање на настани а во заедничкиот бизнис се вклучени и помладите кои помагаат како што беше на базарот во Струмица.
Вангелица Панчурова кажа дека понудата е резултат на другарскиот труд со Славица кои своевремно почнале секоја индивидуално. Сега креативниот потенцијал го имат споено. Освен рачни изработки нудат и декорации на различни настани што дополнително ја подгрева тезата дека – ако се сака може да се успее.
,,Нема откажување. Нека работат тоа што го сакаат. Нашите желби тлеаа по 20 години но сега се остварија“ беше децидна Вангелица Панчурева
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
