Самир Пајтон и Бранко Караколев од Нов Дојран на своја инициатива и доброволно, веќе три недели го чистат отворениот канал на Хидросистемот Ѓавато. Со лопати и вили го чистаат наталоженото ѓубре во каналот изграден пред 20 тина година а со моторни тримери ја косат тревата вдолж целиот канал објави дигиталната платформа Сакам да кажам (СДК). Идејата тргнала лани во ноември кога по неколку години неработeње, беа пуштени во употреба пумпите од страна на министерот Иџет Мемити и пратеникот Миле Цеков. Забележале дека водата се излева во околните ниви па ги исчистиле критичните точки. Сега кога разбрале дека повторно ќе се активираат пумпите одлучиле да го ,,средат“ целиот простор за да водата тече нормално во езерото а не во околните ниви.
,, Сакавме да дадеме свој придонес за езерото. Свесни бевме дека каналот беше обраснет со трева и џбунови и во него се натолажила земја. Бидејки слушнавме дека системот ќе се санира решивме целосно да го исчистиме каналот за да непречено водата тече во езерото, оти претходно се излеваше. На секои 15 метра од каналот вадеме по еден кубик земја и камења а да не зборуваме колку купишта сува трева, џбунови и гранки се собра“, вели Самир Пајтон кој има 33 години.
Тој заедно со својот најдобар другар Бранко три години помлад, каналот го чистат вообичаено во попладневните часови. И двајцата се невработени. Преку ден чекаат некој да ги ангажира и работат за дневница. Самир жали што во овие три недели никој од институциите, жителите на Дојран ниту пак од сопствениците на викендици им се приклучиле во чистењето. Постојано биле двајцата. Откако ја објавиле акцијата на социјалните мрежи почнале да добиваат поддршка. Некои им донирале храна и освежување, други алат и гориво а анонимец им подарил и две нови машини за косење на тревата.
,, Имаме поддршка но друго е ако се вклучи цела заедница. Каналот е за сите нас и тој треба да биде функционален. Еве сега барам да дојде некој со трактор и приколица и да се товари отпадот и тревата што ја собравме. Ни остануваат уште некој ден да ја завршиме целата траса од околу 500 метри колку што е долг отворениот канал“, подвлече Пајтон
ХС Ѓавато од минатата недела се санира и не тeче вода во отворениот канал. Премиерот Христијан Мицкоски на ФБ објави дека била завршена првата фаза од санацијата на пумпите на бунарското подраче и сега ќе се пристапи на втората фаза.
,,Бунарскиот дел е комплетно завршен, пуштена е водата и нема никаде протекување. На првата шахта е монтирана една репарациона спојка, на втората шахта монтирани се две спојки а извршено е и заварување со дупли лимови. Останува уште една интервенција на цевката за испуст и со тоа ќе бидат дуплирани количините вода кои ќе се влеват во Дојранското езеро“, објави премиерот на својот ФБ профил
Тој минатата недела кажа дека ќе се оспособат четири потопни пумпи кои ќе црпат вдоа од бунарското подрачје и две потисни пумпи во соработка со инженерите од фабриката за делови при РЕК Битола. (В.Трајков)
Во меѓувреме е отворена и жиро сметка за донации за сите кои сакат да помогнат на Самир и Бранко да ја завршат својата мисија. Со нивна согласност отворена сметка за да бидат поддржани бидејќи и двајцата се невработени.
300007123000260 Комерцијална банка
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
