До крајот на годината треба да се асфалтираат 10 улици во општина Василево. Вака стои во договорот помеѓу ова локална самоуправа и штипската фирма Бони интерградба која на распишаниот тендер за ,,Реконструкција, одржување на локални патишта и улици во општина Василево за 2022 година’’ достави најниска цена. На распишната јавна набавка минатиот месец се јавија 7 фирми но при јавната аукција најдобра цена понуди штипската Бони Интерградба која работите согласно техничката спецификацијата ќе ги реализира за 5 милиони и 470 илјади денари или приближно 89 илјади евра со вклучен ДДВ.
Според склучениот Договор на основа на распишаната Јавна набавка се планира да бидат да бидат асфалтирани: улица во населеното место Пиперево ( кај Спасена) во должина од 173 метри, населеното место Чанаклија ( во правец кон Католичката црква) во должина од 137 метри. Во населеното место Градашорци ќе се реализира улица од 150 метри со бехатон, а жителите на Едрениково треба да добијат нова улица во должина од 115 метри.
Во Ангелци се планира да се асфалтира улица во должина од 22 метри, Седларци 160 метри, Радичево 200, Сушево 75 метри и во Висока маала две улици од 23 и 70 метри
Како што стои во договорот Бони Интерградба ДОО Штип како изведувач е должен сите градежни работи да ги заврши до 31.12.2022 година.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
