Деновиве се изврши порибување на Дојранското есеро со мали парчиња крап со цел зголемување на рибниот фонд во езерото. Завчера првиот чеовек Државниот земјоделски инспекторат Зоран Шапуриќ и градоначалникот на Дојран присуствуваа на порибувањето на езерото со околу 1500 килограми млади парчиња од крап од репроцентарот Акватика од Неготино при што упатија порака да не се уништува подмладокот пуштен во водите на езерото. Порибувањето е дел од Програмата за развој на рибарството на Владата и Министерството за земјоделство, шумарство и водостопанство.
,,И оваа година во Програмата за финансиска поддршка во рибарството и аквакултурата е предвидена мерка за порибување на Дојранското Езеро со средства во вкупен износ од 800.000,00 денари. За изведување на порибувањето министерството склучи договор со регистрираниот репроцентар Акватика ДООЕЛ – Неготино кој имаше обврска да произведе 50 000 единки подмледок од крап меѓу 7 и 15 грама согласно динамиката на активности’’, стои во информацијата од Општина Дојран
Порибувањето го реализираа регистрираните репроцентри УКИМ Институт за сточарство – Скопје и Акватика ДООЕЛ – Неготино а освен преку Програмата на Владата деновиве и концесионерот изврши порибување на езерото согласно концесискиот договор и планот за заштита и унапредување на рибниот фонд
Како што информираше градоначалникот на Дојран Анго Ангов во наредниот период ќе зачестат и контролите како од државните институции така и од концесионерот во поглед на заштита на рибниот фонд.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
