Гевгелискиот комичар Дејан Малзарков со нивната продукција „Диверзија“ реализираа хумана акција и собираа парични средства за да помогнат некому. Изминативе два дена беа во центарот на Гевгелија каде се дружеа со граѓаните и продаваа календари со нивни ликови. Станува збор за календари за работни маси со соодветни фотографии за сите 12 месеци и тоа по симболична цена од 250 денари. На календарите се фотографии кои будат смеа и позитивни мисли од ликовите што ги толкува токму Дејан.
Парите што ги собраа ќе ги донираат за лекување на некое болно дете. Освен што собираа парични средства тие во Гевгелија ја испратија пораката за хуманост и солидарност, за разбирање и подавање рака на лица на кои им е потребна помош во најтешкото.
,, Парите се релативна работа. Нашата цел со ова хумана акција е да ја потикнеме солидарноста меѓу народот да помагаме колку што можеме таму каде што треба. Во ова време невреме во трка со секојдневните обврски како да заборавивме на човечките вредности . Токму тоа ни беше целта, да бидеме луѓе позитивни и секогаш подготвени за помош,, ни изјави Малзарков
Ова е прва од низата хуманитарни акции кои планираат Диверзија и Дејан Малзарков да ги реализираат во иднина. Продажбата на овие календари се планира да има и во други градови од земајва каде граѓаните може да се запознаат но и да разговараат со Дејан кој во своите видеа се трансформира најчесто во три лика и низ еден хумористечн начин ги отсликува нештата или секојдневието.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
