Испокинати полиетиленски платна, свиени шипки, уништени посеви со куртовска капија. Ваква е сликата во атарот на струмичко Муртино но и во атарот на селото Еднокуќево, по невремето проследено со силен ветар и дожд што ги зафати атарите на овие две населени места. Земјоделците денеска уште од раните утрински часови ги санираа штетите и се обидуваа колку толку да го спасат засеаните површини со пиперка која беше во фаза на цутење. Цело поле беше со уништени пластеници а земјоделците по кал работеа да ги приспособат и заштитат засеаните површини.
,, Тоа беше страшно. Ветрот корнеше. Сите 25 фолии засеани со црвена пиперка на околу половина хектар отидоа во неповрат. Штетите се огромни .Нема нива без оштетен пластеник. Не сум убеден дека ќе спасиме нешто од засеаните пиперки но мора да се обидеме,, објаснува Панчо Крстев од Муртино
Земјоделците бараат помош од државата. Да излезе на терен општинската комисија и да изврши проценка на штетите оти освен по пластениците штети има и на посевите. Првиот човек на Струмица Костадин Костадинов ги повика земјоделците од понеделник да ги пријавуваат штетите
,,Обилните врнежи предизвикаа сериозни штети во Муртино. Како Општина веднаш формиравме Комисија за проценка и ги повикуваме засегнатите жители и земјоделци од понеделник да ги пријават штетите во општинската зграда.“, објави Костадинов на ФБ кој ја повика Владата за 100 процентно обештетување оти помалку ќе биде само навреда на земјоделците од Муртино
Пред месец дена невреме проследено со дожд и град имаше во општините Василево и Босилово. Таму 100 земјоделци пријавија штети до општинските комисии кои извршија проценка. Тие треба да израобтат елаборати со штеттие кои ќе се најдат пред советниците. Откако Советот ќе даде зелено светло земјоделците обештетувањето ќе го чекаат од владата откако позитивно ќе се изјасни и републичката комсиија за штети од елементарни непогоди.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
