Несовесни граѓани деновиве демолирале два летниковци. Едниот кај населеното место Дедино а вториот кај месноста викана ,,Осојот“. Станува збор за летниковци кои служеа за одмор и релаксација како за мештаните така и за посетителите. Првиот човек на Општина Конче Златко Ристов кој ги објави фотографиите од демолираните летниковци побара одговорност.
,,Навистина како човек неможам да си дадам објаснување за ваквите девијантни појави…Дали некој знае да го објасни , Летниковецот кој има прекрасна глетка на кого му смета !?!?!?,, напиша градоначалникот Ристов кој соопшти дека се откриени сторителите и истите ќе бидат пријавени во полиција.
Пред три години беше демолирана урбаната опрема на Влашките колиби кај Мантово. Локалните власти во контуинитет апелираат на совесност и на чување на поставената урбана опрема. Секојдневно граѓаните на социјалните мрежи објавуваат за демолирани клупи, корпи за отпад, летниковци. Пред извесен период непознати лица го опожарија и мостот видиковец пред Смоларскиот водопад.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
