Младиот струмичанец Стојче Јовановски од Градашорци кој се повреди во сообраќајка, веќе цела година се обидува да застане на нозе. Кај него се констатирани повреди на рбетниот столб при што надежта да прооди ја гледа во пресадување на матични клетки и физикална терпија во Нови Сад – Србија за што се потребни околу 30 илјади евра. Семејството Јовановски ги нема овие средства па апелира до сите хумани луѓе да помогнат и 21 годишниот Стојче да застане на нозе .
,, Во рок од 100 дена се потребни три третмани со матични клетки кои чинат околу 16 500 евра и три третмани физикална терапија која чини околу 9 илјади евра. Плус треба да се прави и операција на левиот колк за што ја чекаме пресметката,, информираа од семејството Јовановски
За да се помогне на Јовановски се вклучија и младите од општина Василево кои во сабота на 30 април во Домот на културата во Градашорци ќе организираат хуманитарен концерт на кој ќе настапат Саше со ,,Стакато Бенд,, и Санде Митев од Алегро Бенд каде што присутните ќе можат да оставаат средства за лекување на Стојче Јовановски. Повикаа на забава но и да се покаже хуманоста на дело преку донирање средства
Броеви за донации преку СМС на:
143-155 Телеком 143-488 ОНЕ/ВИП
На денарска трансакциска сметка број: 210-5017032477-84 НЛБ Банка, на име Стојче Јовановски.
За донирање од странство на девизна сметка:
Stojce Jovanovski IBAN CODE: MK07210501703247784 SWIFT: TUTNMK22
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
