Премиерот Христијан Мицкоски денеска беше во посета на Општина Василево при што се информираше за изградбата на системот за фекална канализација во општинскиот центар кој се работи со парите од унгарскиот кредит а ја посети и детската градинка во населеното место Ангелци.
Станува збор за градинка која со години е изградена но не беше ставена во функција. Таа ќе преставува клон на главната градинка ,,Прва радост“ во Василево каде ќе може да се сместат 53 дечиња до шестгодишна возраст
,,По преземените активности и дополнителни инвестиции од општината, обезбедени се сите потребни согласности и одобренија од Министерството за финансии и Министерството за труд и социјална политика. Градинката од ноември ќе почне со работа и ќе ги згрижува првите деца. Се грижиме за нашите најмали, затоа што тие се иднината и силата на нашата држава,, напиша на ФБ премиерот Мицкоски
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
