Ред се чекаше за печени костени на Костенијадата што се одржа над населеното место Смоларе на платформата под Смоларскиот водопад. Домакините успеваа да одговорат на сите потреби на гостите кои ги имаше во голем број на годинашнава манифестација. Средствата од продажбата на печените костени ќе одат за КУД Јане Сандански за обнова на народните носии но и опремата што им е потребна. Освен печени се купуваа и свежи костени од жители кои изминатив период ги собирале од планината Беласица а ги имаше во доволен број.
На манифестацијата присуствуваа голем број гости. Освен од земјава ги имаше и од странство. Меѓу присутните беше и премиерот Христијан Мицкоски, министерот за земјоделство Цветан Трипуновски како и градоначалници од Југоистокот. Сите тие уживаа во настапот на КУД ,,Јане Сандански“ кој е вистински репрезент на македонскиот фолклор како и во настапот на Адријана Јаневска.
Костенијадата е манифестација која треба да го потикне руралниот туризам бидејки подбеласичкиот регион изобилува со многу природни убавини и реткости а истите преставуваат магнет за голем број гости, кажа градоначалникот на Ново Село Ѓорѓе Божинов а премиерот Христијан Мицкоски најави поддршка на ваквите манифестации и во иднина. ( В.Трајков / фото: Дрнка.МК )
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
