Гитаристи од музичкото училиште „Боро Џони“ од Струмица од класата на м-р Васко Пиличев одлично ја презентираа Македонија на „Guitar Art Festival“ во Белград Србија, каде учествуваа и во рекордниот концерт со илјада гитаристи во центарот на Белград. Тие од 15 до 19 мај учествува на 19 тиот конгрес на класични гитаристи на Југоисточна Европа ASEG 2024. Станува збор за еден од најеминентните музички настани во Европа каде се дебатира со стручни излагања како и со концертен дел .
Токму во концертниот дел, Матеј Пиличев, Митеа Горгиева, Борис Митев, Весна Георгиева, Васил Точев, Маријана Малинова, Андреа Цурева, Кирил Рингов и Мила Тодорова сите ученици од класата на Васко Пиличев беспрекорно се претставија и себе си и училиштето а со тоа Струмица и Македонија.
Паралелно беа на еден од најеминентните натпревари во Европа и светот „Guitar Art Festival“ на кој го освоија 3 место со високи 96 поени а беа дел и од од концертот за рекорд на кој заедно свиреа 1000 гитаристи од регионот во центарот на Белград заедно со многу познати имиња од светот на музката.
На конгресниот дел освен м-р Васко Пиличев свои излагања имаа и професорот на музичката академија во Скопје – Дарко Багевски, директорката на ДКЦ Карпош – Билјана Лалчевска Серафимовска, и дирекотрот на P.S. Guitar Festival во Кушево – Перо Мулар додека музичкото преставување беше доверено на младите гитаристи од Струмица .
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
