Населеното место Прдејци во општина Гевгелија доби нов и опремен Младински дом. Синоќа во присуство на голем број граѓани но и гости, градоначалникот на Гевгелија Андон Сарамандов свечено го предаде во употреба новиот објект со површина од 580 квадратни метри за чија реконструкција беа потрошени приблично 19 милиони денари или околу 308 илјади евра. Околу 195 илјади евра се пари од ТАВ програмта додека останатиот дел се пари од општинскиот Буџет.
,,Прдејци доби модерно здание и современо опремен Младински дом за одржување на јавни, младински и културни настани. Објектот се протега на површина од 580 м² и располага со голема сала и придружни простории. Беше извршена реконструкција на стариот објект со пренамена на средствата од ТАВ, во вредност од 12.000.000 денари. Од Буџетот на Општина Гевгелија, обезбедивме дополнителни средства во висина од 6.994.800 денари за внатрешно уредување, опремување на објектот и уредување на дворната површина. Очекувам Младинскиот дом да ги отвори вратите за жителите и гостите, како место за одржување голем број настани,, објави градоначалникот Андон Сарамандов кој најави дека наредната година ќе бидат реконструирани и Младинските домови во Богородица и Моин
Настанот беше збогатен со културна програма кои ја отворија најмалите жители на Прдејци- дечињата од Детската градинка „Развигорче“, а настапија и „Распеани гевгеличани“, бендот „Панта Реи“ и Културно-уметничките друштва „Браќа Толеви“- Прдејци и „Негорци“.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
