Музички тандем ,,The G Notes’’ составен од Глигор и Теодора Гошеви од Гевгелија деновиве ја промовираа македонската верзија на песната “All I Need Is You” која ја исфрлија пред неполни два месеци. Македонската верзија е насловена како ,, Единствена’’ со спот што го снимија на Кожув и на Егејското море. Со ова, тие го комплетираа албумот кој треба наскоро да го промовираат и е составен од две цедиња каде ќе бидат сместени одделно песни на македонски и англиски јазик
,, Станува збор за албум со две цедиња на кои ќе има по осум песни . Едното ќе е на македонски другото на англиски. Албумот го именувавме ,,Nothing can go wrong’’ или ,,Ништо не може да тргне наопаку’’ .Чекаме соодветна дата за да направиме промоција на албумот во Гевгелија,, ни изјави Глигор Гошев кој со неговата сестра Теодора полека се етаблираат не само на македонската музичка сцена туку и во странство
,,The G Notes’’ овој период ќе имат настапи во Германија каде ќе земат учество на повеќе фестивали и музички настани и концерти. Постојат околу 5 години а своите музички чекори ги започнаа од шоуто Музички идол. Станува збор за млад музички тандем кој со својата позитивна енергија полека се наметнуваат на македонската музичка сцена. Автори на песните се Глигор и Теодора а околу текстовите им помага и Томе Таушанов
Еве како звучи песната Единствена на ,,The G Notes’’ ….
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
