ОК Струмица Жени во две години постоење на македонската одбојкарска сцена, за првпат ќе игра за титула во сениорска конкуренција. Тие заедно со скопските Вардар Жени, Јанта Волеј Кисела Вода и тимот на Работнички ја играат завршницата од КУПОТ во спортската сала Парк. Струмичанки првата пречка ја имаат во сабота во 19 часот против Јанта Волеј Кисела Вода екипа против кого немаат славено победа.
,, Нашите амбиции е да ја поминеме првата пречка и да се обидеме да ја освоиме КУП титулата. Во досегашните мечеви од првенството покажаме дека имаме квалитет и секоја екипа ја имаме добиено, но остана само Јанта Волеј КВ. Од нив до двата меѓусебни меча загубивме со 3:2 и 3:1 во сетови, но време е да ги добиеме. Ги имаме анализирано и наше е да бидеме сконцентрирани и одиграме максимално,, рече стратегот Атанас Милев
Капитенката Елена Пандева верува дека нејзиниот тим може да направи изненадување иако и пласманот во завршницата е огромен успех за Струмица Жени. Таа вели дека тие ќе бидат најмладиот состав на завршницата од КУПОТ без странски засилувања.
,, Точно е дека се поискусни од нас и имаат странски засилувања а ние сме тим составен само со домашен потенцијал. Ќе дадеме се од нас да одиграме добро и да докажеме дека освен во машка, Струмица ќе биде столб и на женската одбојка во Македонија,, кажа Пандева
Одиме да го освоиме КУПOT оти сме поквалитетен тим од другите, кажа Михаилов капитенот на Џио
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
