ТАВ Македонија од општина Ново Село ја побарала проектната документација за изградба на канализационен систем во населеното место Сушица откако Владата донесе одлука за пренамена на средствата предвидени за изградба на карго аеродром во Штип, за инфраструктурни проекти по општините. Со ова одлука околу 660 илјади евра се планирани за општина Ново Село која аплицираше за изградба на канализационен систем во Сушица за што имаше изработено проект.
Според информациите, ТАВ Македонија наскоро се очекува да избере фирми за изведување на градежните работи кои ќе бидат локални за да се поттикне локалната економија. Тие само одлучуваат кои фирми ќе бидат ангажирани за секој проект поединечно што ги објави Владата а во Југоистокот треба да се слеат околу 4 милиони евра за различни капитални проекти
Инаку во населното место Сушица во моментов се гради нов водоснабдителен систем со средства од Агенцијата за финансиска поддршка во земјоделството и руралниот развој но и од сопствениот Буџет. Според последните податоци таму околу 35 одсто од работите се завршени и ова пролет треба да биде целосно заокружен овој проект вреден околу 360 илјади евра.
Инаку таму се гради потисен цевковод со примарна и секундарна водоводна мрежа со која ќе бидат опфатени сите домакинства во Сушица кое е едно од најголемите во општина Ново Село. Според склучениот договор на општина Ново Село и изведувачот Џови Компани од Мокрино, потисниот цевковод треба да биде околу 2882 метри, додека дистрибутивната мрежа 11 875 а паралелно е предвидено да се изврши и реконструкција на каптажа и довод од каптажа до резервоар од 1389 метри
( минатата година почна изградбата на нов водовод во Сушица )
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
