Струмичката болница на својата ФБ страна објави дека на Одделот за интервентна кардиологија со ангиографија на коронарни крвни садови кој функционира пет месеци, направена е првото стентирање на вратна артерија (каротидна артерија) преку артерија на рака на пациентот во соработка со д-р Сашко Николов кардиолог од Штип и струмичкиот кардиолошки тим предводен од д-р Верица Милушева Трендова.
„За прв пат на одделот за интервентна кардиологија во нашата болница е изведена процедура за стентирање на вратна артерија (каротидна артерија) преку артерија на рака на пациентот. Станува збор за пациент кај кого е направена дијагностичка коронарографија каде е дадена индикација за хируршка реваскуларизација на срцето (бајпас) и третман на лева и десна каротидна артерија. Според протокол мораше да се обезбеди доволен проток на крв во мозокот, па потоа во втор акт пациентот да оди на бајпас операција. Кај пациентот преку десната рачна артерија (радијална), се пристапи до десната вратна артерија и се постави стент во истата“, стои во информацијата од ЈЗУ Општа Болница Струмица која упати благодарност до д-р Сашко Николов, кардиолог од Штип и струмичкиот кардиолошки тим предводен од д-р Верица Милушева Трендова
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
